Nabigo si Amanda Anisimova na makua an saiyang primerong Grand Slam title makalihis na madaog sa US Open kontra Aryna Sabalenka, 6-3, 7-6 (7/3), kan nakalihis na Sabado.
An 24-anyos na Amerikanang tennis star, na runner-up man sa Wimbledon kan nakalihis na Hulyo, liwat nadaog sa sarong major final asin inako na kinulang ini sa determinasyon katakod kan saiyang laban.
Ibinunyag pa ni Anisimova na liwat nagbweltada an nerbiyos kan nadaog ini sa Wimbledon final kontra ki Iga Swiatek (6-0, 6-0), kun saen ini soboot na “frozen” o bahagyang nanigas.
Sa ibong na banda sa ipinahiling na laban nagpahiling ini nin magayon na puon sa enot na set, kun saen nag-angat ini sa 3-2 makalihis mabawi an duwang break, alagad dae kaini namantinir an momentum.
Sigun sa saiya, nasakitan ining mahiling an bola huli sa nakasaradong atop sa Arthur Ashe Stadium dara kan makusog na pag-uran.
Inako ni Anisimova an saiyang pagkadaog asin inomaw an kalaban na world no. 1 Aryna Sabalenka, sa pagiging agresibo asin matatag.
