NAGA CITY – Nagsunod an lokal na gobierno kan siyudad nin Naga sa National Government na mas kadakol an alokasyon nin budget sa edukasyon.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na naipasar na soboot an annual budget sa taong 2026 para sa siyudad nin Naga kun saen prayoridad digde an mas kadakol na alokasyon sa edukasyon huli ta ini an nakapalaman sa Constitutional mandate kan National Government.
Apwera digde, prayoridad man an pag-abot sa salud kan mga tawo na kun saen pigsaysay kan alkalde na dapat tutukan orog na an mga agrangay kan publiko.
Komo kasimbagan, enot na lakdang digde an pagdugang nin mga care centers tanganing dae na soboot magin agrangay an halawig na pila kan mga pasyente.
Katakod kaini, yaon an padagos na paglaom kan alkalde na sa masunod na taon mawara na an agrangay kan mga tawo sa siring na klase kan sitwasyon.
Sa ngunyan, padagos an pag-enkaminar ni Robredo sa publiko na padagos na magheras kan saindang mga concerns tanganing matawanan nin tamang aksiyon kan lokal na gobierno.
