Nag-iiral na an anti-epal guidelines sa irarom kan mga patakaran kan Department of Budget and Management (DBM) asin Office of the President (OP).
Ini an pigbuyagyag ni DILG Sec. Jonvic Remulla, kasabay kan mas dakulang papel kan LGUs sa paghahatod nin basic services asin an probisyong anti-politikal sa 2026 General Appropriations Act.
Sigun ki Remulla, mahigot na ipigbabawal an paglalaag nin pangaran, ladawan, o logo kan mga politiko sa mga proyektong pinondohan kan gobierno.
Tanging detalye kan proyekto siring kan pangaran kan proyekto, petsa, kontrasista,a sin pangangaipuhan kan ponde an pupwedeng ibugtak.
Pig-enkaminar Remulla an publiko na i-report sa social media an mga pagbalgar tanganing tolos ining maimbestigaran.
Alagad dae tolos mahantong sa pagtanggal sa puwesto an pagbalgar, pupwede soboot masuspinde an mga sangkot.
Kasong administratibo an kahahampangon kan mga pulitiko na dae masunod sa guidelines asin probisyon.
Nagtutubod an sekretaryo na para magkaigwa nin ngipon an Anti-Epal campaign dapat magbilog na nin ley an mga lehislador.
