Piglalaomang madara nin gintong medalya si Anton Ignaio, 19-anyos, sa ladangan kan jet ski sa 2025 Southeast Asian (SEA) Games kun saen apat na beses na ining nagin world champion asin kasuarin sana, nanggana nin duwang title sa International Jet Sports Boating Association World Finals.
Aminado si Ignacio na natakot ini kan enot na pagporbar asin nagtinir sana sa swimming pool, alagad sa tabang kan saiyang ama, sarong dating national champion na ngunyan an saiya man na coacj, asin kan saiyang ina komo manager, naabot kaini an kasanayan asin kumpiyansa sa Jet Sports.
Ara-aldaw kaing pinagpeprepararan an kompetisyon sa Subic Bay, kasabay kan pag-eehersiyo asin pag-aadal.Sa saiyang enot na SEA Games kan taong-2023 sa Cambodia, sinaysay kaini ini an sarong warm up sana.
Ngunyan preparado na si Ignacio na makapaghatod nin ginto para sa Pilipinas sa masunod na SEA Games.
