Labi sa 4-M na indibidwal o labi sa 1.2 milyones na pamilya an apektado kan pinagsararong epekto kan bagyong Luis asin Maymay asin kan habagat.
Sa pinakahuring datus hale sa Office of the Civil Defense (OCD), nairehistro an mga apektadong populasyon sa mga minasunod na rehiyon: Ilocos Region, Cagayan Valley, Central Luzon, Bicol, Western Visayas, Zambonga Peninsula, Calabarzon, Cordillera Administrative Region, Metro Manila asin Mimaropa.
Sa mga apektadong pamilya, labi sa 51,000 na mga indibidwal an temporaryong nagtitinir sa mga evacuation centers.
Sa ngonian, base sa datus kan opisina, 21 na an buhay kan mga kalamidad. An pinakahalangkaw na naitala sa Benguet na 15 katawo, mantang an iba pang casualties naitala sa La Trinidad, Baguio asin Atok na kadaklan nagadan huli sa landslide.
Tig-tolo an nairehistro na gadan sa Rizal asin Batangas huli sa pagkalamos, pagkakuryente asin pagrasay kan daga.
Padagos man an paghanap sa tulong tawong naireport na nawawara sa ciudad nin Alaminos sa Pangasinan, ciudad nin Batangas asin Candelaria sa Quezon. Mga Baybayon asin Isla
An gastos sa danyos sa sektor nin imprastraktura uminabot na sa labi sa P2.6 bilyones mantang an danyos sa agrikultura nag-abot na sa labi sa P347 milyones.
Padagos man an pagtao nin ayuda kan gobyerno sa mga apektado kan kalamidad na uminabot na sa labi sa P495 milyones.
