Nagpakol na sa P1.79 bilyon an danyos sa sektor kan agrikultura dahil sa pinagsarong epekto kan habagat asin kan mga naglihis na bagyong Luis, Maymay asin Neneng.
Segun sa Department of Agriculture, may 51,229 na para-uma an naapektaran.
Base man sa datos kan Disaster Risk Reduction and Management Operations Center o DRRM-OpCen, may 41,647 ektarya nin dagang agrikultural an naapektuhan.
Nagtala man nin 44,745 metrikong tonelada nin mga produkto na nasayang huli sa nasambitan na maraot na panahon.
Kabali sa mga naapektaran na lugar an Ilocos Region, Cordillera Administrative Region, Cagayan Valley, Central Luzon, CALABARZON, MIMAROPA, Bicol Region asin Western Visayas.
Posibleng madagdagan pa an halaga kan danyos huli sa padagos pa an assessment kan DA sa mga naapektaran na lugar.
