Nagpaabot nin pasasalamat si Most Reverend Rex Andrew Alarcon, D.D., Arsobispo kan Caceres, sa manlaen-laen na ahensya kan gobyerno sa nasyonal asin lokal na lebel huli sa saindang pakikipagtabangan sa pagsierto kan malinig, ligtas asin matoninong na pagselebrar kan Peñafrancia Festival 2026.
Sa pahayag ni Most Reverend Rex Andrew Alarcon, D.D., Arsobispo kan Caceres, sinaysay kaini na ipigpapasalamt kaini an mga importanteng kontribusyon kan mga ahensya, organisasyon asin indibidwal na nakipagtabangan sa pagpreparar para sa taunan na kafiestahan kan Mahal na Ina kan Peñafrancia.
Pigtawan-duon kan Arsobispo na an pagiging matrayumpo kan selebrasyon dai nakadepende sa sarong grupo, kundi sa kolektibong aksyon asin kooperasyon kan gobyerno, simbahan asin komunidad, katakod kan tema kan Arkidiosesis kan Caceres, “Gabos Kaayon, Gabos May Gibuhon.”
Segun ki Alarcon, importante an koordinasyon asin pagkasararo kan gabos tangarig na mamantinir an kaligtasan, kaayusan asin katoninongan sa tahaw kan pagdagsa kan mga deboto asin bisita sa ciudad.
Dugang pa man kan Arsobispo na ipinapamibi an ligtas asin matoninong na pagselebrar kan Nuestra Señora de Peñafrancia, na opisyal nang mapoon ngonian na Setyembre 11, 2026.
Sa tahaw kan mahiwas na preparasyon para sa festival, tinawan duon na an responsibilidad sa pagmantenir kan kahusayan bako sanang katungdan kan mga awtoridad.
