Preparado soboot si Ariella Arida para sa saiyang bagong role komo National Director kan Miss Universe Philippines (MUPH).
Pigribayan kaini an binakanteng posisyon kan kaparehas na beauty queen na si Shamcey Supsup.
Marurumduman, parehas na pigrepresentar kan duwa an nasyon sa Miss Universe asin nagpahiling nin tibay sa International stage na nagtapos sa third runner-up kan 2013 asin 2011.
Pig-anunsyar an pagtukaw ni Arida komo bagong MUPH national director sa pigkundusir na press presentation kan pageant’s 2025 batch of candidates kan nakalihis na semana.
Sigun sa organisasyon, ma-focus an beauty Queen sa training asin development kan mga delegado ngunyan na taon.
Katakod kaini, nagpasalamat na sana si Arida sa Miss Universe Philippines sa itinao soboot na opurtunidad sa saiya na magserbe komo National Director.
Sa ngunyan, pigsierto na sana ni Arida an saiyang 100% na commitment tanganing magkaigwa soboot nin positibong impact asin matabangan an mga kababaihan na magtalubo sa career na saindang pinili.
