NAGA CITY- Dakulang tabang suboot an pigtao kan makabagong mga armas kan nasyong China sa Armed Forces of the Philippines (AFP) sa pagtatapos na kan krisis sa Marawi City.
Ini an pahayag ni Presidente Rodrigo Duterte sa saiyang paghampang sa mga Bicolano sa pagbisita niya sa Pili, Camarines Sur.
Sigon ki Presidente Duterte, dakulang tabang an ipigtaong sniper asin iba pang armas hale sa China na ginamit kan mga militar sa Marawi para magadan sinda Abu Sayyaf (ASG) Leader Isnilon Hapilon asin Maute leader Omar Maute.
Haros 1km suboot an rayo kan soldados na nakabadil sa nasambitang mga terorista asin dakulang tabang an armas na hale sa China para sa matrayumpong operasyon.
Mientrastanto, pig-orgolyo man kan chief executive na nag-abot na an armas na hale sa nasyong Russia na makakatabang suboot sa paglaban sa kariribukan sa Pilipinas.
Enot kaini, nagpromesa si Presidente Duterte na gigibuhon kan gobyerno an gabos para tabangan na makatindog liwat an Marawi makalihis an labi sa apat na bulan na bakbakan digdi. ng bakbakan dito.
