NAGA CITY- Nakatalaan suboot na itao kan Armed Forces of the Philippines (AFP) sa linyada kan Philippine National Police (PNP) an mga bagong armas asin badil na hale sa China.
Ini an kinumpirmar ni Maj. Gen. Restituto Padilla, tagapagtaram kan AFP sa ekslusibong entrevista kan Bombo Radyo Naga.
Sigon ki Padilla, kadaklan sa mga pigtaong armas kan China sa saindang linyada plano nindang itao man sa PNP.
Solamenteng 100 sana suboot na mga badil asin armas na hale sa China an mawawalat sa pwersas armadas kan Pilipinas para sa ikokondusir nindang evaluation asin testing sa mga ini.
Sigon ki Padilla, itatao an nasambitang mga armas sa PNP huli mas nangangaipuhan an mga pulis nin badil makalihis na dae suboot mag-abot an pig-order nindang mga armas.
An pagtatao suboot kan nasambitang mga makabagong armas hale sa China sa linyada kan PNP makakatabang sa paglaban kan mga kapulisan sa kriminalidad sa nasyon.
