Matrayumpo na nakabwelta an Artemis II sa kinaban pagkatapos kan sarong makasaysayan na splashdown sa kadagatan harani sa San Diego, California.
An bilog na grupo yaon sa Integrity Capsule, na tinatapos an saindang misyon sa bulan. An apat na astronaut iyo sinda: Reid Wiseman, Victor Glover, Christina Koch, asin Jeremy Hansen, pagkatapos nin siyam na aldaw na pagbaklay sa palibot kan bulan, na nagmarka nin sarong bagong yugto sa programa kan NASA na Artemis. Poon sa rikas na 23,000mph (37,000km/h) sa paglaog giraray, an kapsula pinaluway kan sarong multi-stage na sistema nin parasyut sagkod sa 20-30km/h bago mag-ilig pababa sa kadagatan.
An U.S. Navy tulos na nagresponde hale sa USS John P. Murtha tanganing sabaton an mga tripulante para sa medikal na ebalwasyon asin mga operasyon sa pagrahay. An misyon nagin mapanggana sa katuyuhan kaini na testingan an mga sistema kan Orion spacecraft asin pag-andam kan masunod na lakdang pasiring sa pagbalik kan mga tawo sa bulan.
Sa kabilogan, si ArtemisII nagbiyahe nin labing 400,000 kilometros, asin nagtao nin mga imahe na kinua sa orbita kan bulan, kaiba an tanawon kan “Earthset.” An mapangganang pagbalik ni Artemis II nagsisimbolo nin bagong paglaom para sa sarong bagong panahon nin pag-eksplorar sa space—patunay na an katawohan andam nang magtindog giraray sa bulan.
