Eksaktong 5:49 nin hapon kasuodma, Pebrero 5 kan maresebir ni Senate Secretary General Renato Bantug gikan ki House Secretary General Reginald Velasco an kopya kan articles of impeachment kontra ki Vice President Sara Duterte.
Ini an makalihis ma-iendorso kan 215 miyembro kan Kamara an impeachment complaint kontra kay VP Sara.
An lakdang na ini haros duwang hulan puon kan naisunad an tolong impeachment complaints kontra ki Duterte sa hababang kapulungan kan Kongreso.
Sa entrevista, sinaysay ni Senador Ronald “Bato” Dela Rosa, bistadong kaalyado ni VP Sara na piglalaoman na kaini na mai-impeach an bise sa Kamara.
Hurot kan senador, nahiling na talaga kaini an effort kan mga Kongresista na patalsikon an bise presidente.Pasubang sinaysay ni Dela Rosa na dae patas huli man ta sindang mga nasa Kamara an mangangampanya na asin sinda man sa Senado an kaipuhan gampanan an tungkulin komo sarong Senator Judgde.
Si Dela Rosa an re-electionist sa pagkasenador.Dugang pa ni Dela Rosa, an impeachment an sarong political exercise alagad komo matindog na hukom, mamantinirion kaining magin patas sa ibong kan marhay na koneksiyon ki VP Sara.
Sinabi pa kaini na posibleng sa Hunyo na o pakatapos na kan eleksiyon ini mapag-uulayan sa plenaryo kan senado huli man ta kan nakalihis na aldaw an huring aldaw kan sesyon kan kongreso.
Mientrastanto, ipigpaubaya man ni House Secretary General Reginald Velasco sa Senado an gigibuhon sa impeachment ngunyan na huring aldaw na an sesyon kan duwang kapulungan kan Kongreso.
Alagad soboot constitutional mandate kan Senado na simbagan an impeachment complaint.
Sinaysay pa ni Velasco na pwedeng mag-convene an Senado ngunyan na magb-breal huli ta ini an legislative function kan halangkaw na kapulungan.
Sakaling mag-convene nakapreparar man soboot an mga matindog na prosecutor sa Kamara.
