Pinagtitibay kan mga miyembrong bansa kan Association of Southeast Asian Nations o ASEAN an pagtutulungan tanganing matugunan an mas grabeng epekto kan Super El Niño, partikular na sa mga komunidad na mas lantad sa epekto kan naturang weather phenomenon.
Ipinahayag kan gobyerno kan Pilipinas an kahandaang makipagtulungan sa iba pang miyembro kan ASEAN para maprotektaran an mga pamilyang pobre asin mga vulnerable sectors na posibleng mas maapektuhan kan matinding init asin tagtuyot.
Segun ki Department of Social Welfare and Development o DSWD Secretary Rex Gatchalian, mahalaga an pag-iriba kan mga miyembrong bansa sa paghanap nin epektibong mga hakbang para makayanan an epekto kan El Niño.
Pig-eksplikar kan sekretaryo na an ibang nasyon pwedeng mag-adal asin maggamit nin mga programa na nagin epektibo sa ibang miyembro kan ASEAN, kun kaya importante an paghiras kan best practices asin experiences.
Ngonyan, an lambang miembrong nasyon igwa nin sadiring programa sa pagtabang sa mga pamilyang naapektaran nin krisis, depende sa saindang pangangaipo asin sa epekto kan kalamidad sa saindang lugar.
Tinawan duon man ni Gatchalian an kahalagahan kan paghiras nin kaaraman manungod sa proteksyon sosyal, nin huli ta mayo nin solong modelo na magagamit sa gabos na lugar tanganing masabat an grabeng epekto kan Super El Niño.
Nagpahayag man nin kumpiyansa an sekretaryo na makakahiras an mga miyembro kan ASEAN nin mga epektibong estratehiya ngani na mas mapakusog an proteksyon kan mga pobreng pamilya asin iba pang vulnerable sectors.
