Pig-asegurar kan Philippine National Police (PNP) na gagamiton ninda an gabos na resources bilang parte kan pagtao nin seguridad sa maabot na 49th Association of Southeast Asian Nations (Asean) Summit and Related Summits.
Segun ki PNP chief General Jose Melencio Nartatez Jr., an gabos na pagtao nin seguridad ipapautob ninda tanganing magin ligtas an nasabing pagtiripon. Magdedeklara man sinda nin alert status kun kaipuhan.
Pighurot na mag-atinder an mga delegado hali sa ibang nasyon, kaiba si US President Donald Trump, para sa regional high-stakes meetings poon Nobyembre 16.
Sa ngunyan, segun ki Nartatez, igwa sana nin low-level threat an saindang nahihiling.
Pig-asegurar man niya na nakapreparar an kapulisan, kaiba an nagkapirang ahensya, para sa pagtao nin seguridad sa mga opisyal na madalo sa pagtiripon.
