Pigbasura kan Quezon City Prosecutor’s Office an assault complaint na pigsunad kan QC Police District kontra ki VP Sara Duterte na igwa nin kinaaraman sa paglilipat kan ospital sa saiyang aide na si Office of the Vice President (OVP) chief of staff Zuleika Lopez kan Nobiyembre 23, 2024.
Inakusaran kan QC Police District si VP Sara, an head kan saiyang security detail asin iba pa nin direct assault, disobedience to authority asin grave coercion sa kasagsagan kan soboot pwersahang paglilipat ki Atty. Zuleika sa sarong pribadong ospital.
Sigun sa kapulisan, mahihiling an mga video na pisikal na pigkulgan kan security head ni VP Sara na si Army Col. Raymund Dante Lachica an sarong police director.
Marurumdoman, na ipinagsugo kaidto an pagdetine ki Atty. Lopez sa House of Representatives makalihis ma-cite in contempt huli sa saiyang soboot “undue interference” sa imbestigasyon kan House Congressional Committee on Good Government and Public Accountability sa paggamit nin confidential funds kan OVP.
Alagad nagkahiling ini kan ipaaram an paglilipat sa saiya sa Correctional Institution for Women (CIW) sa Mandaluyong city gikan sa detention facility kan House of Representatives.
Nagkaigwa man nin standoff makalihis tapaan ni VP Sara an paglipat kan saiyang chief of staff na si Atty. Lopez.
