Ate Gay masairarom sa chemotherapy

Nakatalaan na magsairarom sa chemotherapy asin radiation therapy an stand-up comedy na si Ate Gay.

Sa social media account kan nasambitan ng komedyante pigbuyagyag kaini an bareta kun saen pigkokonsederar kaini na Anghel an nagsimbag sa operasyon.

Habo na soboot kaini sambiton an donor alagad isasagibo an proseso sa Asian Hospital and Medical Center.

Puon kan nagputok an baretang igwang stage 4 cancer an komedyante nagbulos an tabang asin mensahe para sa saiya.

Kan 2021 nalampasan kan komedyante an pneumonia kaya pigkonsederar kaining panduwang buhay an presenteng kinamumugtakan.