Nakakaeksperyensiya umano nin depresyon sa pagbaba kan grades an suspek, na aki kan Customs Port Chief sa Zamboanga, na nangbadil sa laog kan Ateneo de Zamboanga University (ADZU) kaining Martes.
Segun kay Mayor Khymer Adan Olaso, bagaman honor student, may hinahabol ining grades na nagbaba, kawsa tanganing balusan an maestra.
Base sa imbestigasyon, may darang rifle asin pistol an suspek. Inot kaining binadil an maestra alagad nagsablay, bag o nagadan an iba pang nadamay asin pagkatapos man saka nagbadil ini sa sadiri.
Nabatid na kinua kan aki an badil sa sasakyan kan ama matapos ihatod kan driver. Kinumpirma kan BOC na saro sa ginamit na badil an opisyal na inisyu sa ama.
Tulos namang sinuspinde ni BOC Commissioner Ariel Nepomuceno an ama kan suspek para sa imbestigasyon. Nilinaw ni Nepomuceno na naiintidihan man ini kun hadaw nasa sasakyan an badil huli delikado an lugar asin kinakaipuhang armado an mga tawuhan kan BOC.
Bagaman inilarawan niya ining matibay na opisyal, iginiit ni Nepomuceno na kaipuhan pa man panaguton sa kapabayaan.
Padagos na iniimbestigahan kan mga awtoridad an posibleng pagkukulang kan ADZU sa seguridad, matapos na mailusot kan suspek an mga armas na ginamit sa pangbabadil asin sa pagpagkagadan kaini.
