Isinagibo kasuodma, Setyembre 18 an primerong preliminary investigation katakod sa reklamong pigsunad kan kaparientes kan mga nawawarang sabungero.
Kun saen pinag-atendiran ini mismo kan mga complaints asin nagkapirang mga respondents sa kasong murder, kidnapping with serious illegal detention asin iba pa.Kaibahan sa mga inakusarang imbwelto sa pagkawara kan mga nawawarang sabungero iyo an negosyanteng si Charlie ‘Atong’ Ang, aktres na si Gretchen Barreto asin an nasa 60 mga indibidwal.
Alagad sa isinagibong preliminary investigation sa Department of Justice kan panel of prosecutors, dae nag-atendir digde si Atong Ang.
Kun saen bigo ining maka-atendir sa enot na paghampang sa prosekusyon sa rason na dae pa soboot preparado an isusumiter na dokumento.
Paliwanag kan saiyang abogadong si Atty. Gabriel Villareal, kulang soboot an panahon tanganing maisumiter ninda an counter-affidavit makalihis makaresebir nin subpoena kasuarin sana.
Mantang an aktres man na si Gretchen Barreto, personal na nag-atendir asin pigpresentar an sadirisa prosekusyon.
Saiyang pigsumiter an counter-affidavit tanganing kontrahon an alegasyon na imbwelto soboot an aktres sa pagkawara kan mga sabungero.
Alagad nagsayuma munang magheras kan saiyang komento o dugang na pahayag si Gretchen Barreto dapit sa kaso.
Mientrastanto, pighurot man kan saiyang abogado na mayo soboot bastanteng ebidensiya an akusasyong piggagapo sa aktres.
Sigun ki Atty. Alma Mallonga kulang an basehan makakapagpatunay na igwang kinaaraman si Gretchen Barreto dapit sa isyu kan pagkawara.
An kampo man kan kaparientes kan mga nawawarang sabungero, naglalaom na maluwas na an katotoohan dapit sa pagkawara kan saindang mga mahal sa buhay.
