Mayo pang nagin kasimbahan an Bureau of Immigration (BI) sa pag-urulay na nakaluwas na soboot sa nasyon si dating presidential spokesperson Harry Roque.
Katakod ini sa pagkadulas ni Vice President Sara Duterte na saiyang nasaysay dapit sa kinamumugtakan ni Roque. Nasambitan kaya kan bise presidente na kaidto an habo maghali nin nasyon si Roque nin huli ta dae kaini mabayaan an aki alagad ngunyan, nakaluwas na soboot ini.
Kan nakalihis na bulan, pigbuyagyag kan Bureau of Immigration na nakaluwas na sa nasyon an agom nin Roque na si Myla.
Marurumdoman, nagluwas nin arrest warrant an Quad committee ki Roque huli sa dae pag-atendir asin bigong magtao nin kalinawan sa imbestigasyon na saindang kinaiimbweltohan sa Philippine offshore gaming operator (POGO) operation na ni-raid sa Porac,Pampanga.
