Nangapodan si dating Presidential Speaker Atty. Harry Roque sa publiko na makisumaro sa People Power tanganing mapababa sa pwesto si Presidente Ferdinand Marcos Jr.
Gaganapon an soboot People Power sa Forbes Park kun saen nakaistar an nagkapira sa mga politikong imbwelto sa maanomalyang flood control projects.
Sigun ki Roque tama sanang darahon sa harong kan mga kurap na politiko an rally tanganing mas mamatean ninda an anggot kan mga mamamayan sa kurapsiyon.
Pigtawan-duon ni Atty. Roque, na an dapat basulon sa soboot kurapsiyon iyo si Presidente Ferdinand Marcos Jr. huli man ta ini an namamayo sa nasyon.
Dugang pa kaini, dae soboot magigibong makapanghabon nin dakulang kwarta sa gobyerno ninda dating House Speaker Martin Romualdez asin dating Cong. Zaldy Co kun mayong pagtugot ni President Marcos.
Mientrastanto, pinaratangan man ni Roque an mga Marcos na piggagamit soboot an gobyerno asin piggibong negosyo tanganing magpayaman.
Sinaysay pa kaini na ginibo na ini kaidto ni dating President Marcos Sr asin pinagpadagos ngunyan kan saiyang aki na si Marcos Jr kaya dapat ikulong soboot an mga ini asin dae na pagpabayaan na makabweltada sa politika.
