Binatikos ni Atty. Harry Roque an International Criminal Court (ICC) huli sa soboot dae na nasusunod an tunay na basehan kan hurisdiksyon kaini komo sarong hukuman.
Pigtawan duon kan ICC-accredited lawyer na nagpupumirit an international tribunal na maglitis nin sarong nasyon sa ibong kan kawaran kan hurisdiksiyon.
Pigtuyaw man kaini an soboot panghihimasok kan nasambitan ng korte sa mga nasyon na bakong miyembro kan Rome Statute kun saen mayong awtoridad an international court na magsagibo nin paglilitis.
Tinukoy kan abogado an kaso ni dating Presidente Rodrigo Duterte (FPRRD) na sa ibong kan haloy nang pagkalas kan Pilipinas sa hurisdiksiyon kan ICC, nagluwas pa man ini nin warrant of arrest.
Pighurot kan dating Duterte appointee na an presenteg sitwasyon kan ICC, kun saen nahahampang sa manlaen-laeng sanctions an nagkapirang judges asin prosecutors kaini, dapat ibasol sa mismong korte.
Katwiran kan abogado, piglingawan soboot kaini na an hurisdiksiyon kan hukuman an nakasalalay sa pagtugot asin pagbisto kan mga nasyon sa mismong otoridad kan nasambitan ng korte.
