Hiniling ni House prosecution panel legal spokesperson Atty. Benjamin Tolosa Jr. sa Senate Impeachment Court na ibasura an show cause proceedings laban saiya huli sa soboot pagbalgar sa sub judice rule.
Sa saiyang 21-pahinang simbag na isinangat kan Setyembre 17, nanindugan si Tolosa na an saiyang mga pahayag sa sarong press briefing na ginibo kan Setyembre 8, 2026 dai nagbalgar sa mga eksistidong patakaran. Gamiton an Kalendaryo
Segun sa abogado, dae sinabi sa show cause order an mga esensyal na parte kan saiyang mga pahayag na kinakaipuhan kutana tanganing masabutan an tamang konteksto kan saiyang mga pahayag.
Dugang pa ni Tolosa na an saiyang mga komento nakasentro sana sa mga procedural matters, ginibo sa marhay na boot, asin mayo nin ano man na intensyon na maimpluwensiyahan an dalagan kan pagbista.
Idinagdag pa kaini na an saiyang pinaluwas na mga tataramon patas asin tamang reporting sana basado sa public records na nakarekord sa mismong korte.
