Iginiit ni House private prosecutor asin legal spokesperson Atty. Benjamin “Jay” Tolosa Jr. na mayo nin basehan sa Konstitusyon an suhestiyon na halion sa pwesto si Vice President Sara Duterte alagad tugutan pa man giraray na magdalagan sa masunod na eleksyon.
Segun ki Tolosa, nakasurat sa Konstitusyon na kun mapatunayan na nagkasala sa impeachment an sarong opisyal, posible ining halion sa pwesto asin tuluyang ma-disqualify sa pagkapot nin arin man na posisyon sa gobyerno.
Sa irarom kan Article XI, Section 3(7) kan Konstitusyon, an kapadusahan sa impeachment posibleng umabot sa paghale sa pwesto asin diskuwalipikasyon sa pagkapot nin pampublikong posisyon. Pwede man na managot an opisyal sa suway na kasong kriminal.
Tinawan-duon ni Tolosa na dai nagbabago an posibleng kapadusahan maski saro na sanang artikulo an natatada sa impeachment case kontra ki Duterte.
Mientrastanto, pinahimutikan kan kampo ni VP Duterte an mga alegasyon asin linalaoman na ilaladawan an saindang ebidensya sa pagpadagos kan paglilitis sa Senado.
Piglinaw man kan prosecution na an saindang mga alegasyon dai nangangahulugan nin pagkakasala, huli ta an Senate impeachment court pa man giraray an magdedesisyon base sa ebidensya asin Konstitusyon.
