Pormal nang ipinagdesignar si Ayatollah Alireza Arafi komo miyembro kan temporary Leadership council kan Iran katakod kan pagkagadan ni Supreme Leader Ayatollah Ali Khamenei sa serye kan US- Israel strikes.
Sigon sa mga report kan state media, makakaibanan ni Arafi sina President Masoud Pezeshkian asin Chief Justice Gholamhossein Mohseni Ejei para paramientras na gampanan an trabaho kan Supreme Leader mantang dae pa nakakapili kan naribay an Assembly of Experts.
Katakod kaini, nagdeklara an nasyon nin 40- aldaw nin paghmumundo. Magkakahalo naman an naging reaksyon sa Tehran; dakol an nagmumundo asin nagkukurahaw nin pagprotesta kontra sa Amerika asin Israel, mantang igwang mga reports man na pasekreto an mga selebrasyon kan nagkapirang mga residente.
Kinundina man ni President Pezeshkian an paggadan asin inapod ining declaration of war against Muslims.
