Aram baya nindo mga ka-bombo, nakareseber nin sandamakmak na apod an sarong babae dapit sa nawawarang ikos na dae man totoo huli sana soboot sa T-shirt.
Sigun sa mag-partner na sinda Natasha Lavoie asin Jonathan McCurrach, kadakol soboot an nag-aapod sa sainda na nagsasabi na nahanap na kan mga ini an saindang ataman ikos na si Torbo.
Alagad paliwanag kan duwa an saindang atamang ikos an igwang pangaran na Mauser asin dae man nawawara.
Katakod digde, nadiskubrer kan mag-partner na an cellphone number ni Natasha an naka-print sa T-shirt na pigpapabakal kan kompanyang Wisdumb NY.
An T-shirt nag-fe-feature nin mga nawawarang poster kan ikos asin an numero ni Natasha.
Huli sa insidente, pigsaysay kan representate kan kompanya na pig-pull out na sa saindang online store an T-shirt asin sinabi na dae man ninda intensyon na maibugtak an totoong numero ni Natasha.
Mientrastanto, pigtawan duon man ni Natasha na sa ibong kan pangyayari dae soboot ini mabago kan saiyang contact number orog pa ta igwa ining 604 area code, na dipisil makua.
Sa ngunyan, kamawotan na sana kaini an paghagad nin pasensiya gikan sa kompanya.
