Aram baya nindo mga ka-bombo, sarong Chinese na babae an nakaguno nin atensyon gikan sa publiko huli sa saiyang abilidad na maghiro komo sarong robot gamit an mga espesyal na costume, robotic movements asin mayong ekspresyon na lalawgon.
Basado sa report, mantang an kadakol na kompanya sa bilog na kinaban an padagos na naghahanap nin paagi asin nagkukundusir nin pag-aadal tanganing gibuhong realistic an mga robot alagad an saro man na babae an pig-impersonate an mga ini.
Binisto an babae na si robot girl sa Chinese social media na enot naman nagin popular kan nakalihis na bulan kan Agosto kasabay kan pigkundusir na 2024 World Robot Conference sa Beijing.
Sa ngunyan, nagtitinir na popular na content creator an babae sa China asin padagos an saiyang pag-impersonate sa mga robot.
