Aram baya nindo mga ka-bombo, sarong babae gikan sa New Zealand ipinahiling an tibay kan saiyang dapan kan magdalagan ini na nakabitis sa nasa 100 meters na loose Lego bricks sa laog nin nasa 24.75 seconds.
Binisto an babae na si Gabrielle Wall kun saen naibulsa kaini an Guinness World Record para sa fastest 100 meters barefoot on Lego bricks kan purbaran kaini an 328-foot sprint sa Christchurch.
An track an pinatusan nin nasa 661 pounds kan Lego bricks na pigdonar kan Imagination Station, sarong nonprofit organization na naggagamit nin pidaso kan Lego para sa robotics asin mechanics education.
Sigun ki Wall, haros duwang bulan an saiyang ginuno tanganing madugangan an mga kalyo sa saiyang dapan para sa nasambitan ng pagpurbar.
Sa ngunyan, makalihis an trayumpo, pigsaysay ni Wall pupurbaran pa kaini an pagsungkit nin Lego-based Guinness World Records sa mga maabot na panahon.
