Kinalampag kan grupo kan mga parasira an bagong talagang Bureau of Fisheries and Aquatic Resources (BFAR) Director Elizer Salilig tanganing depensahan an mga karapatan an sararadit na parasira sa municipal waters.
Ini an kasunod kan kontribersiyal na desisyon kan korte na nagtutugot sa commercial fishing vessels na mag-operate sa laog kan 15 kilometro kan municipal fishing zone.
Ginibo kan progresibong grupo kan Pambansang Lakas ng Kilusang Mamamalakayaa ng Pilipinas (Pamalakaya) an nasambitan ng huma sa BFAR Chief na nag-eenkaminar sa saiya na manindugan kontra sa ruling kan korte asin ipautob an haloy nang mga proteksiyon para sa municipal fishers.
Sa sarong statement, sinaysay ni Pamalakaya Vice Chairperson Ronnel Arambulo sa laog kan labi 3 dekadang na-eksperyensiya ni Director Salilig sa sektor kan pasiraan, dapat na aram na kaini an pagsakit kan sararadit na parasira orog na pag-abot sa kontrol kan monopolyo sa darakulang negosyo sa communal fishing grounds asin marine resources.
Nagkawsa nin mahewas na pagtutol gikan sa sararadit na grupo kan mga parasira an ruling kan Korte Suprema asin pigrason an pigbubugtak kan nasambitan ng desisyin an saindang kabuhayan asin sa pagreserba sa marine resources.
Pigtawan-duon man ni Arambulo na dapat tulos siertuhon ni Salilig na matinir na off-limits an 15 kilometer municipal fishing zone gikan sa darakulang commercial fishing vessels.
Enot digde, naitalaga ni Salilig komo BFAR Director kan nakalihis na Enero 15 asin opisyal na nag-assume sa pwesto kan nakalihis na Enero 24 kan presenteng taon.
