Pigtintaan ni US President Donald Trump an bagong travel ban tangani maprotehiran an America gikan sa mga dayuhan na may peligrong dara.
Digde ipinagbabawal an paglaog kan mga tao gikan sa 12 nasyon, kabali an Afghanistan, Burma, Chad, Republic of the Congo, Equatorial Guinea, Eritrea, Haiti, Iran, Libya, Somalia, Sudan, asin Yemen.
An desisyon an katakod kan sarong terror attack sa sarong Jewish protest sa Boulder, Colorado, kun saen pigbabasol kan mga awtoridad an sarong lalaking ilegal na nagtitinir sa U.S.
Sigun ki Trump, an insidente an nagpapatotoo kan peligro kan dae pakarhay na pagsusuri sa mga dayuhang naglalaog sa nasyon, kaya kinakaipuhan pakusugon an seguridad.
Binisto kan FBI an suspek komo si Mohamed Sabry Soliman, sarong 45 anyos na lalaking naggamit min mga pampasabog tangani suluon an mga demonstrador, na nagkawsa nin peligro sa walo katao.
Padagos na iniimbestigaran kan mga awtoridad an insidente komo sarong targeted terror attack, mantang an White House an nanindugang an bagong travel ban an sarong lakdang tangani mamantinir an kasalbaduhan kan mga residentes.
