Mayo nang direktang epekto sa nasyon an bagyong Bising dawa nasa laog pa ini kan Philippine Area of Responsibility (PAR), sigun sa state weather bureau.
Kansubagong alas-kwatro nin pagkaaga, nasa rayong 405 km Northwest kan Itbayat, Batanes si Bagyong Bising.
Ini an may kusog na duros na harani sa tahaw na nag aabot nin 130km/h asin pagbugso na nag aabot man nin 180km/h. Presente man ining naghihiro pa-northeastboard sa rikas na 25 km/h.
Mayo na nin nakataas na tropical cyclone wind signal asin dae na man makawsa nin mga pag-uran si Bising sa laog kan nasyon.
Siringpaman, huli sa padagos na pag-iral kan hanging habagat, makakaeksperyensya pa nin halangkaw na tiyansa nin mga pag-uran sa dakulang parte kan Luzon, western section kan Visayas, asin Mindanao.
