Bahagyang nagkusog an paghiro kan tropical depression na si “Crising” mantang pigbabaybay kaini an silangang kadagatan na parte kan Bicol region.
Sigun weather state bureau, nahiling an sentro kan bagyo sa may 615 kilometers kan silangang parte kan Virac, Catanduanes.
Igwang taglay na kusog kan duros nin hasta 55 kilometers per hour asin pagbugso kan hasta 70 kph asin rekas nin hasta 10 kph.
Piglangkaw an an tropical cyclone wind signal no. 1 sa mga lugar kan Gattaran, Baggao, Peñablanca sa Cagayan; Maconacon, Divilacan, Palanan, Dinapigue, San Pablo, Tumauini, Ilagan City, San Mariano, San Guillermo, Benito Soliven, Echague, Jones, San Agustin, Naguilian, City of Cauayan, Angadanan, Gamu, Cabagan, Reina Mercedes sa Isabela ; Dilasag, Casiguran, Dinalungan sa Aurora asin sa Maddela sa Quirino.
Madara an nasambitan ng bagyo nin makusog na pag-uran sa Southern asin Central Luzon kaibahan an Metro Manila, Visayas asin Zamboanga Peninsula.
Pwedeng magin severe typhoon an kategorya ni Crising antes ini mag-landfall sa mainland Cagayan o Babuyan Island sa mag-oomagahon nin Biyernes o Sabado.
Piglalaoman man sa maluwas sa Philippine Area of Responsibility (PAR) an bagyo sa hapon o banggi nin Sabado.
