Liwat na napatotoohan sa sarong bagong pag-aadal kan World Health Organization (WHO) na mayong koneksiyon sa tahaw kan mga bakun asin autism – baliktad sa mga teorya na pigsasabi kan Estados Unidos.
An US Centers for Disease Control and Prevention (CDC) kan nakalihis na bulan, binago an saindang pahayag sa saindang website na nagpapaluya sa dating posisyon kaini na basado sa agham na bakong rason kan mga immunisasyon an autism o iba pang neurodevelopmental disorder.
An mga taon kan pananaliksik an nagpapahiling na mayong rason kan koneksiyon sa tahaw kan mga pagbabakuna asin autism o iba pang neurodevelopmental disorder.
Alagad si Robert F. Kennedy Jr, an pamayo kan pangsalud kan nasyon, an haloy nang nagpahayag kan anti-vaccine rhetoric asin bakong tamang mga pag-aangkin na nagkokonektar sa duwa.
Sinaysay ni WHO chief Tedros Adhanom Ghebreyesus sa sarong press conference sa Geneva na an autism an bakong sarong side-effect kan mga bakuna.
Naghiling an komite sa 31 pag-aadal sa kadakol na mga nasyon sa laog kan 15 taon na igwang koneksiyon sa mga bakua na naglalaog nin thiomersal – sarong preservative na nagpupugol sa kontaminasyon kan bakterya asin fungal sa multidose vials – asin aluminium adjuvants.
