NAGA CITY– Nadukayan an bangkay kan sarong lolo sa sarong tubo kan pigkokonstruhir na spillway sa Barangay Ason, Garchitorena, Camarines Sur.
binisto an biktima na si Inosencio Dela Concepcion, 60 anyos, paraoma.
Sa nagunong impormasyon kan Bombo Radyo Naga napag aramang nadukayan na sana an bangkay kan nasambitan ng lolo sa laog kan tubo kan pigkokontruhir na spillway sa nasambitan ng lugar.
Positibong kinumpirmar an nasambitan ng bangkay kan mismong aki kaini na si Igan Dela Concepcion, 30 anyos.
Sigon sa aki kan biktima, pabalyo sinda nin salog sa nasambitan ng lugar kan madara nin makusog na sulog kan tubig si Inosencio asin bigla na sanang nalamos asin nawara.
Sa ngunian, nagpapadagos pa man an imbestigasyon kan mga otoridad manungod sa nasambitan ng pangyayari.
