NAGA CITY- Patay na ng matagpuan ang isang lalaki sa isang lugar sa Del Gallego, Camarines Sur.
Sa nakalap na impormasyon ng Bombo Radyo Naga sa Camarines Sur Police Provincial Office (CSPPO), napag-alaman na natatakpan ang itaas na
parte ng katawan ng biktima ng sako.
May dalawang tama ito ng bala ng baril sa likod na tumagos pa sa dibdib nito.
Maliban dito, may sugat rin umano ito sa ulo na pinaniniwalaang dahil sa taga.
Samantala, pinaniniwalaan namang tinapon lamang ang katawan ng biktima sa lugar kung saan ito mismong natagpuan.
Sa ngayon, nagpapatuloy pa ang imbestigasyon ng mga otoridad hinggil sa nasabing insidente.
