Ipinaluwas kan Bangko Sentral ng Pilipinas (BSP) an P100,000 na comemorative banknotes para sa mga collectors kasabay kan National Heroes Day kasuudma aldaw nin Lunes.
Sigun sa BSP, an commemorative bills parte kan numismatic o money coin asin printed money collection.
Naiimprinta an pinakadakulang Philippine commemorative banknote kan 1998 tanganing iselebrar an centennial Philippine Independence.
Manunutaran sa atubangan kani an Sigaw ng Himagsikan na pinangenotan ni Andres Bonifacio, an bayani ng Katipunan, mantang sa likudan na parte kaini manunutaran man an proclamation kan Philippine Independence na pinanginotan ni Gen. Emilio Aguinaldo kan Hunyo 12, 1898 sa Kawit, Cavite.
Igwa nin nasa sangribong pidaso sana an naiimprinta para sa mga collectors.
