Gadan an 32-anyos na Bise Presidente kan Bank of America na si Erin Piacenti matapos saksakon sa sarong soboot na random na pag-atake sa Times Square, New York City kaining Lunes.
Segun sa New York City Police Department (NYPD), duwa an nasaksak sa insidente, kabali an sarong 68-anyos na lalaki na nasa matatag na kondisyon.
Matapos makatanggap nin apod sa 911 pirang sandali antes mag-4:30 p.m. kan Lunes, natagpuan nin mga opisyal kan NYPD an sarong 49-taong-gulang na babaye na may kapot na duwang kutsilyo sa Times Square.
Binisto ini kan NYPD bilang si Pamela Cisneros, kan Queen, New York. Asin binadil kan mga opisyal si Cisneros, na kalaunan ay idineklarang gadan sa ospital, segun sa departamento.
Sarong saksi man an nagsabi sa mga imbestigador na si Cisneros ay naghugot nin duwang kutsilyong pangkarne hale sa sarong pulang bag nin Target, iwinagayway an mga tarom sa 68-taong-gulang na lalaki bago ini sinaksak sa tulak. An duwang pananaksak ay naganap sa laog kan 20 segundo, segun ki NYPD Commissioner Jessica Tisch sa sarong press conference kan Lunes.
Kinumpirmar man kan Bank of America an pagkagadan ni Piacenti asin nagpahayag nin pakikidumamay sa saiyang pamilya asin mga mahal sa buhay.
Mientrastanto, mayu man suboot nin criminal record si Cisneros alagad pirang ulit na ining nakipag-takod sa pulisya manungod kan mga insidenteng may konektado sa kalusugang pangkaisipan.
