Binatikos kan grupong Bantay Bigas an Rice Tariffication Law (RTL) huli sa sinasabing dai naisakatuparan an promesang magkakaigwa nin barato asin bastante na suplay nin bugas sa nasyon.
Sa intrevista kan Bombo Radyo Naga kay Cathy Estavillo, spokesperson kan Bantay Bigas, padagos na nadidipisilan an mga paroy huli sa epekto kan presenteng polisiya sa bagas.
Ipinagtaong doon ni Estavillo, dai sana presyo kan bagas an dapat tutukan kan gobyerno, kundi pati an kamugtakan kan mga lokal na paroy na padagos na nagaatubang nin dakulang gastos sa produksiyon asin dikit na kita.
Siring sa grupo, kinakaipuhan an mas konkretong suporta para sa mga rice farmer, kaiba an tabang sa produksiyon asin mas makatarungan na presyo kan saindang ani.
Nangapudan man an Bantay Bigas sa gobyerno na repasuhon an mga polisiya sa sektor kan bagas asin siertuhon na mapoprotehiran an interes kan mga consumer asin paroy.
Padagos na iginiit kan grupo na dai bastante an promesa nin baratong bugas kun karibay kaini an padagos na pag-antos kan mga lokal na rice farmer.
