NAGA CITY- Preparado na an banwaan kan Pili, Camarines Sur para Cimarrones festival.
Sigun ki Tom Bongalonta Jr., Alkalde kan nasambitan ng banwaan na haloy ng pigpuonan an preparasyon para sa nasambitan ng aktibidad, kun saen paglaog pa sana kan Oktubre 1, igwa na nin aktibidad na pinangenotan kan mga senior citizens na nagkundusir nin parada, pazumba asin manlaen-laen pa sa laog nin tolong aldaw.
Makalihis ini, manlaen-laen naman na mga sektor an masagibo nin mga aktibidades.
Kasuudma, Oktubre 19, manlaen-laen man na kawat an pigsagibo kan mga jovenes alagad mayo na soboot an Basketball.
Sa maabot man na Oktuber 21, magkakaigwa nin Miss. Capital Town asin sa masunod na aldaw an south border band.
Mantang sa Hiraya Music Festival an iimbetaran man an manlaen-laen na artista. Mientrastanto, isasarado man an pirang parte kan Publacion Road para sa ikukundusir na Civic Parade asin Military Parade na pagpapartisiparan man kan mga kontingente na gikan pa sa luwas kan saindang banwaan.
Katakod kaini, makikipagkoordinar man an saindang lado sa PNP, BFP, asin enkaso kaipohanon an Philippine Army an idudugang pa ini tanganing magmanehar kan seguridad.
Sa ngunyan, pangapodan na sana kan alkalde na makisumaro an gabos na mga residentes asin mapasiring sa saindang banwaan tanganing makifiesta an mantiniron an katuninongan para sa ikakatrayumpo kan nasambitan ng kafiestahan.
