NAGA CITY – kan Barangay Council kan Barangay San Isidro, Libmanan an tabang kan Sangguniang Bayan kan Libmanan tanganing liwat na maka-operar an slaughterhouse sa saindang barangay.
Sa nagin patara-tara ni Nolito Mulleda, Barangay Kagawad kan Barangay San Isidro, Libmanan, nagsiring soboot sinda sa National Meat Inspection Office-Region 5(NMIS-Region 5), kun saen sainda soboot nakaulay si Dr. Alex Templonuevo, Director II kan nasambitang opisina, asin naghapot soboot sinda kan ruling kun pwede sindang mag-operar nin slaughterhouse sa saindang barangay.
Simbag man soboot sainda, mayo man sana nin problema, asin igwa man nin ruling na sarong slaughterhouse sana an pwedeng mag-operar sa Libmanan, alagad kadakulaon soboot an banwaan.
Sigun pa ki Templonuevo, nakadepende an desisyon sa lokal na punong ehekutibo kan lokal na gobyerno kan Libmanan, na sigun ki Mulleda yaon sa LGU Libmanan an desisyon, nin huli ta sigun igdi dai kaya kan Libamanan na i-akomodar gabos na nagpapabuno.
Sigun man ki Mulleda naghagad sinda nin checklist tanganing maka-operar sinda nin pribadong slaughterhouse, kabali na digdi na kaipuhan man giraray nin resolusyon gikan sa Sangguniang Bayan kan Libmanan.
Dugang pa kaini, kun sinda man tugutan na mag-operar, an ma-desisyon soboot kaini an saindang Sangguniang Bayan.
Pwede man daa soboot sinda kudta nin mag-operar nin pribadong slaughterhouse, alagad kun ma-operar soboot an standard na slaughterhouse sa Libmanan, mababalewala man sana liwat kun saindang icocomply an mga requirements asin gastos. Pigsabihan na sana man soboot sinda na magkasundo na sana an saindang barangay asin LGU Libmanan.
Nakipag-ulay man soboot sinda nin huli ta mawot talaga ninda ining mabuksan, nin huli ta sigun ki Mulleda ini saro sa resources na saindang pinagkukuanan para sa saindang pigsasagibong serbisyo sa saindang barangay kun saen dakulaon soboot ining bagay sainda.
