NAGA CITY- Tinawan-duon ni Kabataan Partylist Representative Raoul Manuel na dapat magin available sa gabos nin sektor an target na P29 kada kilo kan bagas. Dapat soboot an mababakal ini anuman na oras asin maski saen na lugar. Boot sabihon, ini dapat an mag-iral na presyo sa bilog na nasyon.
Para ki Manuel, maikokonsiderar ining publicity stunt sana kan administrasyon kun an baratong presyo kan bagas an maipagkakaloob sana sa pipirang grupo kan tao. Kasunod ini kan anunsyrar na an pagtapyas sa taripa sa imported na bagas an maresulta sa pagbaba sa presyo kan bagas na piglalaoman na mamamatean sa masunod na bulan.
Duon kan kongresista na an paglalatag kan panghaloyan na solusyon tanganing mapababa an presyo kan bagas sa paagi kan pagpapa-uswag sa lokal na produksyon asin bakong perming pagkonsidera sa importasyon.
An pagpapabakal kan dekalidad na bagas an mas marhay soboot kun pigbabakal ini mismo sa sadiri tang mga paraoma asin bakong pig-aangkat sa ibang nasyon.
