Nagkaigwa nin modified working hours an gabos nin opisina sa Bangsamoro Autonomous Region in Muslim Mindanao sa gabos nin Muslim officials asin mga empleyado kaini, komo parte kan pagrumdom kan Ramadan.
Sa memorandum na inisyu ni Chief Minister Ahod Ebrahim, sinabi kaini na an regular working hours an magpuon alas-8 nin aga hasta alas-5 nin hapon asin ginibong alas-7:30 nin aga hasta alas-3:30 nin hapon kasabay kan Ramadan, basado pa sa Presidential Decree No. 291 asin mga resolusyon kan Civil Service Commission (CSC).
Sa nagin pahayag pa kan Bangsamoro Information Office, obheto kaini na ma-akomodar an mga religious practices kan mga empleyadoong Muslim mantang pigsierto man an pagkumpleto sa requirement na 40 oras nin trabaho kada semana sa iraraom pa kan civil service regulations.
Nagpuon kan nakalihis na aldaw, Marso 2, an nasambitan Ng adjusted working hours. Makalihis an Eid’l Fitr o pagtatapos kan Ramadan, an gabos nin empleyado ay magbweltada na sa regular na iskedyul.
