Aram baya nindo mga ka-bombo, sarong batag na nakadukot sa duct tape an naipabakal sa kantidad na $6.2 milyones o katampad nin labi sa P365-M.
An provocative artwork ni Maurizio Cattelan na nakasabit sa lanob iyo an maikokonsiderar na pinakamahal na prutas na naipabakal kasuarin sana.
Segun sa Sotheby’s auction sa New York, dai ninda piglalaoman na mabakal ini nin apat na bes na mas mahal kisa sa pigkakarkulong presyo ninda.
An art ginibo kan sarong Italian visual artist asin inaapod na “Comedian” installation.
Enot ining pig-pabisto sa publiko kan 2019 asin nag-viral ini na nagkawsa nin manlaen-laen na debate.
Nagbiyahe na ini sa manlaen-laen na parte kan kinaban kun sain igwa ining mga instruksyon kun pano sasalidahan an batag kada ini nalalapa.
