Maduon na pigpahumutikan ni Batangas 1st Representative Leandro Legarda-Leviste an nakapalaman sa affidavit ni Department of Public Works and Highways (DPWH) Batangas District Engineer Abelardo Calalo na donasyon asin bakong suhol an milyones na kwarta na pigpurbar kaining itao sa mambabatas.
Pigsambit ni Leviste na an kwarta an igwang resibo kan tolong kontrata na mapakol sa ₱104 million, asin igwag “note” na 3% kan labi ₱3 million.
Huli kaini, pig-angat ni Leviste si Calalo na isapubliko an pangaran kan mga contractors na pigsasabi kaini na preparadong magtao nin donasyon na posibleng magpakol nin hasta ₱360 million.
Dugang pa kan opisya, dae man totoo an sinaysay ni Calalo na sinabihan ini ni Uswag Ilonggo Party-list Representative James “Jojo” Ang na mangolektar nin mga donasyon gikan sa mga contractor komo suporta sa saiyang mga proyekto.
Marurumduman, pig-omaw kan nagkapirang mga lehislador an paninindugan ni Leviste na dae pag-akuon an panunuhol na igwang kinaaraman sa imbestigasyon sa flood control project.
