NAGA CITY – Dae man nagkaigwa nin kulog boot an Bedside Nurse sa Amerika manungod sa pigpaluwas na statement kan DEPED na pighahali na an mga nurses sa listahan kan mga professionals.
Sa entrevista kan Bombo Radyo Naga ki Virginia Contreras Bedside Nurse, Bombo International News Correspondent From California, USA pigsaysay kaining dae na bago sa saiya an statement na ini huli ta provisions na ini kan 1965 asin an naapektaran kaini an school load or federal load.
An 1965 na requirements na ini an naapektaran na maray an mga Pilipino huli ta an programa sa Pilipinas Bachelors degree, alagad sa Amerika sa Ladderized program kaya nagkukua nin mga nurses sa Pilipinas ta igwa nin Bachelors Degree.
An maapektaran an access sa federal load ta an pag-adal sa nasambitan na lugar nagpapakol sa 200,000 asin magayon an negosyo na ini sa parte kan mga eskwelahan.
Asin an nagigin epekto kaini mayo na nagigin nurses na nag-aaply sa doctoral degree o master degree asin mas nakakafocus an hiring opportunity sa mga associate graduate kan nasambitan na kurso.
Kahagadan man ni Contreras sa kapwa Pilipino na dae makibali sa mga problemang kinakahampang kan Amerika huli ta dae man target soboot an Pilipinas dahil ta an mga Pilipino productive pag-abot sa trabaho kan Health Care.
Makanuod na dapat soboot kitang hilingon an sitwasyon antes na makibali sa isyu kan ibang nasyon asin aramon an magigin implikasyon kan mga ginigibong aksiyon.
