Tinapik kan Farm Fresh si dating Belgium national team standout Helene Rousseaux tangani tabangan sindang makalaog sa finals sa paaabuton na 2025 Premier Volleyball League (PVL) Reinforced Conference.
Nagin parte an outside hitter kan historic Belgian team na sumikwat nin bronze medal, an saindang primerong podium finish, sa European Championship kan nakalihis na 2023.
Nakawat an 6-foot-2 na si Rousseaux sa Turkey, Switzerland, Poland, Italy, South Korea asin France.
Makakatabang ni Rousseaux sa kampanya kan Foxies sinda Trisha Tubu, Leila Cruz, Jolina dela Cruz, Caitlyn Viray at veterans Ces Molina asin Riri Meneses.
Apwera ki Rousseaux, paparada man sa PVL Reinforced Conference na mahataw sa Oktubre sinda American spiker Courtney Schwan kan Cool Smashers, Russian outside hitter Anastasiia Bavykina kan PLDT High Speed Hitters, Greek outside hitter Eva Chantava kan Cignal HD Spikers asin Cuban outside spiker Yunieska Batist kan Chery Tiggo Crossovers.
