Gadan an beteranong journalist na si Juan “Johnny” Dayang makalihis na badilon.
An insidente nangyari bandang alas 8 nin pagkabanggi kan Abril 29, 2025 sa saiyang harong sa Barangay Andagao, Kalibo, Aklan.
Basado sa imbestigasyon kan mga otoridad, nasa laog kan saiyang harong an biktima kan bigla na sanang maglaog an mga dae pa nabibistong supsek
Nagsapo nin duwang tama nin bala sa saiyang likod an 89-anyos na biktima.
Dinara an biktima sa Rafael Tumbukon Provincial Hospital sa Kalibo alagad idineklarang dead on arrival.
Si Dayang sarong dating presidente kan Manila Overseas Press Club (MOPC), presidente kan Publishers Association of the Philippines Inc. (PAPI) asin nagsirbe komo paramintras na alkalde kan Kalibo pagkatapos kan 1986 EDSA People Power revolution.
Nakikipag-koordinar naman si Presidential Task Force on Media Security (PTFOMS) Executive Director and Undersecretary Joe Torres sa mga otoridad tanganing maaraman an motibo asin maarestar an suspek.
