NAGA CITY – Peparado na an BFP-Camarines Sur sa papaabuton na Bagyong Uwan.
Sa entrevista kan Bombo Radyo Naga ki FO3 Jonathan Maleniza Bureau of Fire Protection, Camarines Sur Provincial Office sinaysay kaini na presenteng igwa na nin mga pagbandilyo an kada station sa Camarines asin may nagkukundusir na nin monitoring.
Kasuudma pigtawan aldaw an mga personnel na makapag preparar kan saindang sadiri asin mga pamilya.Alagad sa ngunyan na recall na liwat an mga personahe para naman sa preparasyon kan istasyon na assign sa sainda.
16 an BFP personnel an idedeploy asin nakapreparar an total strength kan kada station sa pag responde enkaso magtama an Bagyong Uwan sa Camarines Sur.
Asin ngunyan man mapuon an force evacuation sa mga low lying areas mantang nakapreparar man an mga Special Rescue Force (SRF) na kun saen ini an mga igwang bastanteng training sa pagrescue.
Alagad enkaso na tamaan kaini an probinsiya asin makaka-kompromiso na sa mga marescue mas maray kun mag-evacuate na nin amay tanganing malikayan an anuman na peligrong dara kan papaabuton na bagyo.
Huli ta dae pighahali an tyansa na igwang parte kan Camarines Sur na dakula an posibilidad na tamaan kaini partikular na sa 4th district kan Camarines kun kaya mas dakol an personahe soboot na nagmomonitor digde.
Pagirumdom na sana ni Maleniza na an mga nasa low lying areas dae na magin madunong sa pag-evacuate tanganing dae man masakitan an mga personahe asin tanganing masierto man tolos an kasalbaduhan kan saindang buhay.
