NAGA CITY- Mayong nairehistrong insidente nin kasulo an BFP-Iriga kasabay kan pagsabat kan Bagong taon.
Sa entrevista kan Bombo Radyo Naga ki FO3 Peter Jade Bante, Spokeperson kan BFP Iriga City, sinaysay kaini na nakadeploy an saindang gabos na mga personahe kasubangi kun saen igwang nagkundsuir nin pagbandilyo sa komunidad na nagserbenhg giya kan mga tawo para sa salbadong pagselebrar kan Bagong taon.
An nasambitan soboot na lakdang an saro sa mga paagi kun tano mayong darakulang problema an nairehistro sa saindang siyudad partikularmente an mga kasulo sa panahon kan kaogmahan.
Apwera digde, mayo man soboot pigrespondehan na aksidente an saindang opisina na sarong magayon na indikasyon na talagang nagsunod an publiko sa saindang pakiulay asin mga piglatag na panundunan.
Dugang pa kan opisyal, naglibot an saindang fire trucks, nag-inspeksyon sa mga nagbebenta kan paputok orog na sa mga designated area tanganing sanang magin salbado an gabos sa nasambitan ng kasiributan.
Sa ngunyan, pigsierto na sana ni Bante na yaon an saindang lado tanganing magtaong asistensiya sa mga mangangaipuhan kaini asin sa oras nin emerhensiya.
