Nagtutubod an sarong political analyst na magigin “numbers game” an impeachment proceedings laban ki Bise Presidente Sara Duterte sa Senado.
Sa intrevista kan Bombo Radyo Naga ki Atty. Edward Chico (Political Analyst) na normal sana na diit sana an magiging aksyon sa enot na parte kan impeachment huli ta an mayor na lakdang iyo an pag-conven kan Senado bilang impeachment court.
Sinabi man kaini na malinaw an paninindugan kan nagkapirang senador, kabali na sinda Robin Padilla asin Ronald dela Rosa, na piglalaoman na makakampi ki Duterte, mantang si Risa Hontiveros asin Kiko Pangilinan an posibleng magsuporta sa piskalya.
Pigduon ni Eligan na magiging importante an papel kan mga “swing votes” o mga senador na pwedeng magbalyo nin lado depende sa sitwasyon asin interes sa pulitika.
Dugang pa kaini, dipisil pa man giraray na makua an kinakaipuhan na 16 na boto tanganing makulong si Duterte, alagad posible pa man giraray na magbago an political winds depende sa opinyon kan publiko asin sa interes kan mga senador.
