Pigpapa-ingat ngunyan kan pamayuhan kan Bureau of Immigration an publiko dapit sa nagkuriyat na POGO-like scam hubs sa nasyon.
Sigun sa ahensiya, kadalasang pigtatarget kaini an mga Pilipino. Sa nagin pahayag ni BI Commissioner Joel Anthony Viado, sinaysay kaini na nakakaalarma an haros ara-aldaw na pagkakaharang sa mga Pilipino sa palupadan.
Ini an makalihis na magkagat sa pekeng job offer sa mga social media na nagtatangro nin magayon na trabaho asin halangkaw na bulanan na sweldo.
Basado sa datos, maabot sa 118 na mga Pinoy an nadakop na imbwelto sa siring na klase kan online scamming schemes sa nasyon.
Kun marurumduman, mapakol sa 12 Pilipino an naibwelta kan nasyon gikan sa Myanmar makalihis na magtubod sa saindang mga illegal recruiters.
Gabos sinda an pinirit na magtrabaho komo mga online scammers asin naka-eksperyensiya man nin pagmamalupit sa mga ini. Naka-ekperyensiya man nin sinda nin halabang oras na pagtatrabaho na mayong ipigtaong sahod.
Katakod digde, pig-enkaminar kan ahensiya an publiko na i-report tulos sa Inter-Agency Council Against Trafficking an mga mahihiling na kahina-hinalang recruitment activities sa saindang lugar o social media.
